Ահռելի հրդեհ «Դոմուսում»

Ահռելի հրդեհ «Դոմուսում»։ Այրվել է տեխնիկա, շինանյութ, կահույք։ Զոհեր և վիրավորներ չկան։

Երևանի Իսակովի պողոտայում Հոկտեմբերի 7–ին «Դոմուս» հիպերմարկետի պահեստում բռնկվել է հրդեհ։ Այրվել է մոտ 3000 քմ տարածք` կահույք, տեխնիկա և շինանյութ։ 

Ըստ նախնական տեղեկությունների, հրդեհը սկսվել է պահեստային հատվածից և տարածվել նաև խանութի տարածքում։ 

ՆԳՆ մամուլի քարտուղար նարեկ Սարգսյանը նշել է, որ այս պահին հրդեհի պատճառի որևէ վարկած չկա։ Քննչական գործողությունների արդյունքում շուտով բազմաթիվ փորձաքննություններ կնշանակվեն, որպեսզի պարզվի, թե ինչից է տեղի ունեցել հրդեհը, և կճշտվի վնասի չափը։

Հոկտեմբերի 7-ին, ժամը 12:57-ին Ճգնաժամային կառավարման ազգային կենտրոն ահազանգ է եկել, որ հրդեհ է բռնկվել Երևանի Իսակովի պողոտայում գտնվող «Դոմուս» հիպերմարկետի պահեստային տարածքում:

Դեպքի վայրում աշխատել են փրկարար ծառայության 17 հաշվարկ և 5 օպերատիվ մեքենա, ինչպես նաև Երևանի քաղաքապետարանի 5 ջրատար մեքենա։